Engiadina - Alpinist sa disgraziescha al Piz Lischana
In alpinist è disgrazià cun vegnir giu dal Piz Lischana da la vart da S-charl. Tenor la polizia chantunala era l'um da 62 onns en viadi cun ses dus frars.
Tar l'uschenumnada Fora da l'Aua ha l'um sin in autezza da circa 2'600 meters laschà liber curt la chadaina da segirezza sper la senda. Lura ha el fat in pass fallà ed è crudà 200 meters giu d'ina spunda stippa e grippusa. El è mort anc sin il lieu da l'accident.