Siglir tar il cuntegn
Inhalt

Engiadina Ahh gea ... ir a chasa

Sis onns e mez è Sigi de Grappa u Domenic Siegenthaler sco ch’el ha vairamain num, en viadi. 40 pajais ha el visità. Ma uss èsi temp dad ir a chasa.

Trais onns ed in di ston els bandunar lur patria. En quest temp dastgan els betg s’avischinar a lur vitg pli datiers che 50 kilometers. Per Sigi de Grappa percunter ha durà il viadi sis onns e mez.

Ma uss basta! Suenter avair visità 40 pajais e lavurà en radund 35 da quels fa el ussa viadi vers chasa, vers Ramosch. Accumpagnà vegn el da radund 15 amis mastergnants en viadi.

Il ritual final

Per daventar in mastergnant stabel sto el rampignar sur la tabla a l’entrada dal vitg – quai è l'act simbolic che mussa che ses viadi è definitivamain a fin.

Sigi de Grappa daventa Domenic Siegenthaler

Per Sigi de Grappa è quai in mument fitg emoziunal, bandunar la famiglia dals mastergnants en viadi ed arrivar tar bab e mamma. Quels èn levgiads e cuntents da pudair branclar lur figl Domenic Siegenthaler.

RR actualitad 08:00

In mastergnant viandant ...

... u per tudestg «rechtschaffener fremder Geselle» dastga vegnir mintgin

  • che daventa commember dals giarsuns da mastergn ester
  • che ha terminà cun success il giarsunadi en il sectur da construcziun (marangun, cuvratetgs, scrinari, miradur, ferrer euv.)
  • ch'è pli giuven che 30 onns e
  • che n'è betg maridà.