Engiadina - Aha!award 2016 per Philipp Kemmler da Scuol
En la regiun Scuol Samignun Val Müstair han ins sgaffi ina rait locala da products per persunas cun intoleranza da glutin e lactosa. L’instituziun “aha” ha surdat al promotur Philipp Kemmler in premi.
Il center d’allergias s’engascha per quellas passa 3 milliuns persunas che en pertutgads d’allergias ed intoleranzas. La fundaziun “aha” surdà mintg’onn il award a persunas che lantschian projects innovativs. Il sez da la fundaziun “aha” sa chatta a Berna.
Per persunas che han ina intoleranza da glutin o lactosa èsi ina sfida a mangiar en il temp ch’els en in vacanzas. La regiun Scuol Samignun Val Müstair, sut la direcziun dal productmanager Philipp Kemmler, ha stgaffì ina rait da furniturs che porschan products senza glutin e lactosa.
Bunamain 14 hotels, 18 restaurants, 10 abitaziuns da vacanzas e 8 affars da cafés enfin furnarias da Samignun enfin Val Müstair porschan products per persunas che pateschian da questa intoleranza.
Il project era vegni lantschà dal 2011 dal center da sanadad da l’Engiadina Bassa ensemen culla regiun turistica Engiadina Scuol Samignun Val Müstair SA.
