Siglir tar il cuntegn

Header

video
Sco fotograf da viadi en l'Afganistan – Dominik Täuber raquinta
Or da Telesguard dals 10.09.2021.
laschar ir
cuntegn

Afganistan Mussar in auter Afganistan

Mussar che l’Afganistan è dapli che mo in territori da guerra. Quai è stada la finamira dal fotograf da Scuol Dominik Täuber. Curt avant ch’ils talibans han puspè surpiglià la pussanza en il pajais è el turnà enavos. Cun el, bleras impressiuns ed anc dapli fotografias.

audio
Dominik Täuber raquinta da l'Afganistan
03:49 min, Actualitad dals 10.09.2021.
laschar ir. Durada: 03:49 minutas.

Viagiar e documentar pajais e lur abitants è ina gronda passiun da l'um da 37 onns ch'è oriundamain da la Germania. Sper sia lavur en la branscha da web e social media, s’interessa el oravant tut per pajais da l'orient. Cun gia avair visità l’Iran ha il fotograf da Scuol enconuschì bain avunda ils privels tar in tal viadi, ma era las schanzas da documentar istorgias betg dal mintgadi.

Uschia è Dominik Täuber sa mess en viadi per l’Afganistan l’entschatta d’avust pensond ch'i na saja betg pussaivel per ils talibans da surpigliar la pussanza uschè spert. Vegnì è tut auter. Era per Dominik Täuber. Ses viadi ha el numnadamain stuì scursanir.

Suenter bunamain in’emna e mez e mo 5 dis avant la conquista dals talibans è el returnà en Engiadina. Cun el bleras impressiuns, massa fotografias e l'enconuschientscha d’avair pudì passentar insatge unic.  

RTR Telesguard 17:40

Artitgels legids il pli savens

Scrollar a sanestra Scrollar a dretga