Accident mortal al Piz Morteratsch

Al Piz Morteratsch a Puntraschigna èn dus alpinists vegnids tschiffads il mardi da gravera. In dad els è vegnì sepulì ed è mort. Ils dus frars talians eran sin via dal piz envers la chamona Boval. En in couloir ha la gravera prendì als alpinists il tegn sut ils pes.

vista sin ina spunda plain da crappa, davostiers il glatscher da Morteratsch

Legenda da maletgs: La gravera ha tschiffà ils dus frars talians da 32 e 35 onns. pocha

Entant ch'il frar da 32 onns ha pudì sa salvar, è ses frar pli vegl da 35 onns vegnì sepulì da la crappa. Las forzas da salvament han pudì ir tar il sepulì pir la mesemna. Lura han els chattà l'um mort sut la crappa. La procura publica e la Polizia chantunala examineschan l'accident.

RR novitads 15:00