Siglir tar il cuntegn
Inhalt

Engiadina Accident cun 3 autos a Schlarigna

Sin la via d'Engiadina datiers da Schlarigna hai dà il mardi suentermezdi in accident cun 3 autos. 5 persunas sajan vegnidas blessadas, communitgescha la Polizia chantunala.

Ils autos involvads en l'accident.
Legenda: En consequenza da l'accident è la via stada serrada durant 3 uras. POCHA GR

In automobilist che charrava en direcziun da San Murezzan è l'emprim collidà da la vart cun in auto che vegniva encunter. Quel è lura crudà sur in rieven e cupitgà pliras giadas, dentant senza blessar ils passagiers.

Silsuenter è l'automobilist collidà frontal cun in segund auto. Qua hai da 3 persunas blessadas, tranter quellas 2 persunas cun blessuras mez grevas. L’automobilist da l’emprim auto e sia passagiera èn er vegnids blessads levamain.

In helicopter da la Rega e 3 ambulanzas èn stadas en acziun per transportar ils blessads en l'ospital.

RR novitads 11:00