Siglir tar il cuntegn

Header

Legenda: Keystone
cuntegn

Accident al CM da skis 2017 Manader da squadra da PC-7 è nunculpant per la dretgira militara

Per la dretgira militara ad Aarau è l'anteriur manader da la squadra da sgol acrobatic PC-7 nunculpant – en connex cun l'accident capità durant ils campiunadis mundials da skis il 2017 a San Murezzan.

Il chapitani era vegnì accusà d'avair malduvrà e sfarlattim da material malprecaut – e vitiers d'avair disturbà manaschis che servan a la publicitad e da betg avair observà reglaments da servetsch intenziunadamain. L'accusader aveva pretendì in chasti da daners cundiziunà da 150 schurnadas à 140 francs. Il defensur uffizial aveva pretendì da declerar nunculpant il chapitani.

Accident dal favrer 2017

Al campiunadi mundial da skis a San Murezzan aveva in aviun tutgà ina suga d'ina camera. Ina da las duas sugas da la camera era stgarpada. La camera era curdada en l'arrivada e la suga aveva tutgà ina pendiculara e donnegià quella. Sco da vesair qua sut en il video da Schweiz aktuell:

video
Flugunfall an der Ski WM
Or da Schweiz aktuell dals 17.02.2017.
laschar ir

Ord l'Archiv

audio
Per tadlar curt e cumpact
01:06 min, RTR Audio dals 16.09.2021.
laschar ir. Durada: 01:06 minutas.

RTR novitads 17:00

Artitgels legids il pli savens

Scrollar a sanestra Scrollar a dretga