Legenda:
La via è stada serrada durant las lavurs da salvament per radund 15 minutas.
polizia chantunala
Sco la polizia rapporta, charrava l’um a las 08:30 da La Drossa vers Zernez sin la via dal Pass dal Fuorn. A Laschadura ha el surpassà pliras autos. Durant quest manever è ses auto sa glischnà ed è alura sa cupitgà. Silsuenter è l’auto puspè crudà enavos sin via, nua ch’el è sa fermà cun donn total.
La Rega ha transportà il manischunz en l’ospital chantunal a Cuira. Sur da las blessuras da l’um na datti naginas indicaziuns.
RR novitads 14:00