Siglir tar il cuntegn

Engiadina Academia Engiadina scriva bunas cifras l’onn 2017

La scola media a Samedan ha preschentà a la radunanza generala in rendaquint cun in plus da 2,5 % tar la svieuta. A reguard il numer da scolars registrescha la scola in minus da 4 %.

Vista sin l'Academia Engiadina
Legenda: L'Academia Engiadina ha registrà in zic damain scolars, dentant bunas cifras. mad

Cun 243 scolaras e scolars haja la scola cuntanschì il numer giavischà, scriva l’Academia Engiadina en ina communicaziun. Quai era sche l’onn avant avevan anc frequentà 253 scolars dapli la scola media.

Dapli students ha la scola auta per turissem Grischun pudì registrar durant il 2017 cun total 9 classas e 169 students. Quai èn 4 dapli che l’onn avant e dat sut il stritg in plus da 2,4 %.

L’Academia Engiadina scriva per l’onn da gestiun 2017 in cashflow da stgars 788’000.- che è 26,3 % pli aut che l’onn avant.

La radunanza generala ha approvà l’onn da gestiun ed il rendaquint allegraivel da l’Academia Engiadina a Samedan.

RR novitads 17:00