Siglir tar il cuntegn

Engiadina A Zernez vegnan las vias da guaud meglieradas

La regenza grischuna ha approvà in project per sanar las vias da guaud existentas a Zernez che na correspunda betg pli a las pretensiuns odiernas. Era en la Bregaglia ha la regenza concedì in sustegn per megliurar ina via da guaud.

Ina da las vias da guaud a Zernez che duai vegnir megliurada e gist schlargiada.
Legenda: Ina da las vias da guaud a Zernez che duai vegnir megliurada e gist schlargiada. mad

A Zernez na correspundian las vias da guaud existentas betg a las pretensiuns d'ozendi scriva la regenza. Ella ha perquai decis da dar ina contribuziun da 1,76 milliuns francs per sanar e construir da nov vias da guaud. Il project prevesa da sanar la via existenta tranter Güstizia e Gondas sur ina distanza da 2,8 kilometers ed gist engrondir la via sin ina ladezza da 3,3 meters. Era duai dar ina via d’access nova a la via principala per Gondas ed ina via agricula per l’access a Charal.

Il project en la Bregaglia duai evitar supplementars sgols cun helicopter.
Legenda: Il project en la Bregaglia duai evitar supplementars sgols cun helicopter. mad

Meglurar access a Ruinäda en Bregaglia

Cun in project vul la vischnanca da Bregaglia megliurar l’access al territori da Ruinäda. Fin uss pon ins sulet tgirar la regiun cun agid d’in helicopter. Cun ina via nova da 120 meters lunghezza duai esser pussaivel da tgirar il territori cun agid d’ina crana a cabel. Per realisar il project survegn la vischnanca da Bregaglia ina contribuziun da radund 69’000 francs dal chantun.

RR novitads 10:00