Siglir tar il cuntegn

Header

cuntegn

Engiadina A Zernez hai brischà sin in mises

Per avair aua per stidar il fieu hai duvrà l'agid d'in helicopter da la Heli Bernina.

In possessur da mises ha vulì brischar gasettas davos sia chamona il venderdi. Sinaquai ha il pastg sitg dasperas piglià fieu. L'um da 91 onns ha alarmà immediatamain la centrala d'alarm da la Polizia chantunala ch'ha lura infurmà ils pumpiers da Zernez. Ils pumpiers èn vegnids en acziun cun 20 persunas.

Pervi da las vias anc betg rumidas cumplet da naiv han ils pumpiers gì dad ir a pe ils ultims 50 meters. Plinavant è er il provediment d'aua anc betg stà en funcziun sin il mises. Ord quai motiv ha stuì vegnir purtà nà aua cun agid d'in helicopter da la Heli Bernina.

Ils pumpiers hajan dentant gì svelt sut controlla il fieu ed han pudì impedir il fieu d'arder il guaud. Brischà hai sin ina surfatscha da radund 10 sin 30 meters.

RR novitads 09:00

Artitgels legids il pli savens