Siglir tar il cuntegn
cuntegn

Engiadina A la fin dal mund – art da tut il mund

L’hotel Val Sinestra tranter Sent e Ramosch envida ad artists da purtrets, fotografias e d'installaziuns da preschentar lur art en in hotel istoric. Els preschentan art contemporana specific al lieu.

Legenda: Guardar il video Hotel Val Sinestra sco residenza per artists da tut il mund. Durada 02:38 minutas.
Or da RTR dals 04.11.2016.

Las localitads dal hotel Val Sinestra èn maiestus e sa preschentan sco al cumenzament dal 20avel tschientaner cur che il hotel era enconuschent per curas d’aua minerala. Anc oz sburflan las auas mineralas or dal terren ma na vegnian betg pli nizzegiadas. Oz èn dumandadas autras occurrenzas co per exempel exposiziuns d’art contemporan.

Art in Val Sinestra

Cul project «art en Val Sinestra» prevesan ins d'attrair giasts ed indigens en il hotel entasum la Val Sinestra. Artists da tut il mund han la pussaivladad da preschentar lur art al vast public. En differentas localitads sa chattan collaschas, fotografias, maletgs da tuttas dimensiuns ch'envidan ils aspectaturs da sa laschar inspirar dal lieu e da far lur ponderaziuns persunalas.

L'exposiziun ha lieu dals 06.11. – 13.11.2016 e dals 24.12.16 – 19.03.2017.

RR actualitad 6:00