Siglir tar il cuntegn

Engiadina 90 onns tradiziun garascha d’auto a Scuol

La garascha Central Denoth a Scuol po festegiar quest onn in giubileum. L’onn 1926 è numnadamain rudlà l’emprim auto ord la garascha a Scuol.

Oscar Denoth cun sis da ses lavurers.
Legenda: Oscar Denoth (il segund da sanestra) cun sis da ses lavurers. RTR, R. Mayer

Il fundatur da la garascha, Oscar Denoth, è stà l’emprima persuna che ha fatg la patenta d'auto en Grischun.

Be in onn suenter ch’i era vegnì dà liber dad ir cun autos en Grischun, ha Oscar Denoth cumprà localitads a Scuol e fundà ina garascha. Quella giada n’era la vendita d’autos anc betg grond dumandada. Entras quai ha Oscar Denoth cumenzà ils emprims onns er a far viadis cun il taxi, ina purschida fitg attractiva durant las stagiuns da stad, quai surtut pervi dals numerus giasts dals hotels da Scuol e Vulpera.

«50 onns automobil en Grischun» Intervista cun Oscar Denoth en l'emissiun Balcun tort dals 31-03-1975

Legende: Video Oscar Denoth - in um da las emprimas uras. abspielen. Laufzeit 1:39 Minuten.
Or da RTR dals 11.04.2016.

Svilup da vendita e reparaturas d’autos cumenzà pir ils onns 50

L’emprima conjunctur’auta d’autos hai dà cura ch’il «Käfer» da VW è vegnì sin il martgà. Dal 1960 ha Oscar Denoth surdà la garascha a ses figl Flurin. Quel ha fabritgà dal 1979 ina garascha nova.

Cun il «WV Golf» hai lura dà in segund boom. 10 onns pli tard ha surpiglià Flurin junior la garascha, che maina quella anc oz en terza generaziun cun il mument 12 impiegads.

Entir film «50 onns automobil en Grischun» en l'emissiun Balcun tort dals 31-03-1975

Legende: Video Il svilup e l'istorgia dal traffic d'autos en Grischun abspielen. Laufzeit 17:00 Minuten.
Or da RTR dals 11.04.2016.