Siglir tar il cuntegn

Header

cuntegn

Engiadina 8avel «Military da chauns engiadinais»

L’educaziun dal chaun è en il center. Al Military Engiadinais vul ins meglierar la communicaziun tranter possessur e chaun.

Il traject va 5 – 6 kilometers tras il guaud; tranteren 7 – 8 differents posts ch'il chaun e mintgatant er il possessur sto absolver. Ils cumonds fundamentals vegnan trenads, sco per exempel «stop, sesa, curra, ve qua» ed auters.

Trenar per il mintgadi e per situaziuns spezialas

En furma da gieus vul ins trenar il chaun sin il cumportament da mintgadi, sco per il mument, cura che s’avischina in biker u viandant durant ina spassegiada. Radund 50 possessuras e possessurs sa participeschan a l’occurrenza.

Tar mintga post datti puncts per quels chauns che han fatg per cumond il pli bain. Ma independent dal victur: La finamira è da meglierar la communicaziun cun il chaun. Il possessur dess esser il schef e betg viceversa.

audio
8avel “Military da chauns engiadinais”
ord Actualitad dals 02.06.2018. Maletg: RTR, Georg Luzzi
laschar ir. Durada: 2 minutas 27 Secundas.

RR actualitad 06:00

Artitgels legids il pli savens