Siglir tar il cuntegn

Header

Navigaziun

La band 77 Bombay Street
Legenda: 77 Bombay Street, la band svizra fa il song ufficial per il campiunadi mundial da skis a San Murezzan. MAD
cuntegn

Engiadina 77 Bombay Street fa il song dal campiunadi mundial da skis

77 Bombay Street scrivan il song ufficial per il campiunadi mundial da skis 2017 a San Murezzan. Quai è vegnì enconuschent per cas durant la seduta dal cussegl communal.

Anc betg cler saja sche la band vegnia era a dar in concert al cumenzament da la stagiun da skis a San Murezzan. Pussaivel saja ch'il song dal campiunadi mundial saja schon d'udir lura, numnadamain ils 10 ed 11 da december 2016. Quai ha ditg Richard Dillier, il president da la cumissiun da turissem da San Murezzan en il cussegl communal.

Ils organisaturs dal campiunadi mundial da skis 2017 han confermà l'infurmaziun. I na fiss dentant betg stà prevìs ch'il num da la band vegnia public gia uss. Quai damai che las tractativas per sclerir detagls n'èn anc betg a fin.

Il campiunadi mundial da skis a San Murezzan ha lieu dals 6 fin 19 da favrer 2017.