L’artista da la sculptura da bronz, Rosemarie Roth Grieder, vegn ad esser preschenta a la festa da giubileum. Ella sa er raquintar dapli davart l’istorgia dal capricorn che ha in’autezza da 2,6 meters paisa numnadamain 400 kilos.
Dal Tessin sin il Piz Nair
A maun d’artitgels da gasetta dal 1958 pon ins reconstruir bain il viadi che la statua ha gì da far davent da l’atelier en il Tessin, sur l’Italia fin a San Murezzan. L’emprim problem hai dà cun stgargiar il capricorn dal camiun sin la funiculara da Corviglia. E per il davos traject hajan ins perfin gì dad allontanar il funs da la cabina da la pendiculara fin sin il Piz Nair.
Omagi a colonia da capricorns
Il Guardian Grischun, la figura da bronz sin il Piz Nair è entant il pli enconuschent capricorn sin la muntogna. Sia egliada è drizzada vers il Piz Albris, il dachasa dad ina gronda colonia da capricorns sur Puntraschigna. En occasiun dal giubileum han las pendicularas Engiadina Mountains realisà in nov project che funcziunescha cun il sistem da Virtual Reality. Il capricorn da bronz sa uss raquintar sez sia istorgia aventurusa.
RR novitads 17:00