Ils gieus n'èn betg propi da congualar cun gieus olimpics, ni paralimpics. I va per medaglias - quai bain - e per ils atlets sajan questas medaglias era fitg impurtantas. En il focus stat dentant l'aspect social, di Aldo Doninelli il manader da la delegaziun.
L'emna passada han els passentà il champ da delegaziun a San Murezzan. Ina buna chaschun per emprender d'enconuscher in a l'auter. Mintg'in po sa participar als special games, i na va betg en prima lingia per la prestaziun, quai saja impurtant. Per il gieus en l'Austria è la Svizra sa qualifitgada cun 50 atlets en 4 disciplinas: passlung, ski alpin, unihockey e snowboard.
Il Team Switzerland è optimistic e spera sin pliras medaglias durant ils World Winter Games da Special Olympics en Austria.
Ils World Winter Games èn dals 14 fin ils 25 da mars a Graz, Schladming e Ramsau en Austria. Ins spetga sin 2’700 atlets da 107 naziuns che cumbattan en nov differents sports.
RR actualitad 08:00