Engiadina - 5 onns giubileum «Talvo by Dalsass»

1 / 3

Legenda: Il restaurant 'Talvo by Dalsass' a Champfèr, enconuschent per ina cuschina dad aut nivel RTR / Georg Luzzi

2 / 3

Legenda: Il persunal dal Talvo by Dalsass porta la vestgiadira da Luis Trenker, cineast e guida da muntogna dal Tirol dal Sid RTR/Georg Luzzi

3 / 3

Legenda: Ils mainagestiuns e patruns; (da sanester) Dora Ferrarini, Andrea Dalsass, Martin Dalsass, Michael Pieper e Peter Spuhler. RTR / Georg Luzzi

Oriund è Martin Dalsass dal Tirol dal Sid, ma tut sia vita ha el lavurà en Svizra. 26 onns ha el manà il restaurant Santabbondio en vischinanza da Lugano. Las muntognas e la bellezza da l’Engiadin’Ota han manà el en il Talvo a Champfer.

Cuschina mediterrana cumbinà cun cuschina tradiziunala dal Tirol dal Sid

audio

5 onns giubileum “Talvo by Dalsass”

02:23 min, ord Novitads dals 20.12.2016.

laschar ir. Durada: 2 minutas 23 Secundas.

La filosofia da Martin Dalsass è ina cuschina mediterrana d’auta valur. La basa en ils differents ielis d’ulivas, quellas procuran ina cuschina ligera e d'auta qualitad. Ma era la tradiziunala cuschina da sia patria, il Tirol dal Sid è Martin Dalsass restà fidel.

Dapi tschintg onns mainan Martin Dalsass il 'Talvo by Dalsass'. E l’avegnir è segirà, ses figl Andrea cun la partenaria Dora Ferrarini sa participeschan cun grond engaschi e cun ideas innovativas en il service dal enconuschent restaurant.

RR actualitad 11:00