Siglir tar il cuntegn
cuntegn

Engiadina 5,6 milliuns francs per il film dad Uorsin

Fin la fin da favrer 2015 vegnan filmadas en Engiadina Bassa las ultimas scenas per il nov film che duai esser pront per l’october da quest onn.

Legenda: Guardar il video Las lavurs da filmar per il film Ursin en l’Engiadina Bassa. Durada 02:30 minutas.
Or da Telesguard dals 11.02.2015.

L’enconuschenta istorgia dad Uorsin, scritta da Selina Chönz ed illustrada dad Alois Carigiet è il fil cotschen per il film. Per il reschissur Xavier Koller pon ins però betg congualar in ad in il cudesch cun il film. En la versiun filmada è l’istorgia schlargiada e duai trategnair durant passa in’ura.

La producziun da film ha envidà ad in di davos las culissas da la filmada da “Uorsin” sin il set da film a Sur En d’Ardez nua che pliras chasas, en sasez be fatschadas originalas, èn vegnidas construidas aposta per il film. L’entira producziun custa 5,6 milliuns francs.

Sche quellas restan er anc montadas durant la proxima stad per far publicitad en la regiun, n’è anc betg clar.