Siglir tar il cuntegn
cuntegn

Engiadina 45‘000 francs per nov'organisaziun purtadra da l'ospital Samedan

Il parlament regiunal d’Engiadin’Ota ha deliberà cun 27 vuschs gea tar 3 abstenziuns in credit per elavurar ina nova furma giuridica.

Ospital da Samedan
Legenda: L'Ospital da Samedan drova ina nova structura giuridica suenter ch'i na dat betg pli il circul d'Engiadin'Ota. RTR/D. Spinnler

Cun la refurma da territori vegn il circul d’Engiadin’Ota abolì per la fin dal 2017. Fin il pli tard ils prims da schaner 2018 ston era l’ospital regiunal a Samedan e la chasa da tgira Promulins avair ina nova furma giuridica.

Betg perder temp

Per chattar la furma ideala per l’ospital regiunal, pretendan ils presidents communals l’elavuraziun d’in concept. Ins na possia betg perder temp cun elavurar il concept che stoppia schliar dumondas cumplexas scriva la suprastanza dal circul en la missiva.

Chasa da tgira e Spitex betg anc clar

Cun quai ch’i dat actualmain plirs projects per renovar ed engrondir la chasa da tgira en Engiadin’Ota, n’è anc betg enconuschent en tge furma che quella duai vegnir manada vinavant suenter il 2017. La furma giuridica per l’ospital duai dentant esser adattabla er per autras organisaziuns sco per exempel la Spitex.