Siglir tar il cuntegn

Header

cuntegn

Engiadina 40 plazzas da parcar pli pauc lung la via dal Pass dal Güglia

Silvaplauna na vul betg investir radund 400'000 fin 600'000 francs per rimplazzar las plazzas che van a perder. Il parcadi Lagrev sa chatta numnadamain en la zona centrala da la nova zona da protecziun da funtauna. E tenor lescha na dastgia quai betg avair parcadis en questa zona.

Tenor il president dal club alpin svizzer da la secziun Bernina, Christian Haller, saja la perdita dal parcadi in grond problem per l'alpinissem en la regiun dal Güglia. Questa regiun saja fitg populara per turas cun skis. Il mancar dal parcadi Lagrev vegn probablamain ad avair consequenzas negativas sin il turissem alpin.

audio
Bunura: Remplazzar ils parcadis sin il Güglia è memia char
ord Actualitad dals 15.04.2016.
laschar ir. Durada: 4 minutas 21 Secundas.

Parcadis betg relevants

Il tema da las plazzas da parcar che van a perder era tenor la presidenta communala da Silvaplauna, Claudia Troncana, pliras giadas tema da discussiun durant radunanzas communalas.

plazzas per autos
Legenda: El porscha plazza per radund 30 enfin 40 autos RTR,V.Rominger
Investir 400'000 fin 600'000 francs per novas plazzas da parcar n'è betg raschunaivel
Autur: Claudia Troncana Presidenta communala da Silvaplauna

La populaziun ha dentant decidì la fin da l'onn 2014 che la suprastanza na duai betg persequitar vinavant l'opziun da stgaffir remplazzament per las plazzas che van a perder.

Da quest avis è era stada la radunanza communala. Per la vischnanca è il tema cun quai mess ad acta, di la presidenta Troncana. Ma la pussaivladad da far in project dettia quai vinavant. I vegn simplamain betg pli bunmartgà.

Varianta pussaivla per remplazzar ils parcadis

  • novs parcadis visavi l'Alp Güglia. Plazza per 30-50 plazzas. Per parcadi custs da 17'000 francs.

La stagiun d'enviern che vegn exista il parcadi anc ha ditg Roger Stäubli da l'uffizi da construcziun bassa. Las lavurs da fabrica che entschaivan questa stad na tangheschan anc betg il traject dal parcadi.

RR Actualitad bunura 06:00

Artitgels legids il pli savens