Siglir tar il cuntegn
Inhalt

Engiadina 40 onns «Engadinwind»

1978 ha gì lieu l'emprim maraton da surf en l'Engiadin’Ota. Quella giada anc sin il Lai da Segl e cun sur 600 participants. Oz 40 onns pli tard datti anc adina quella regatta. Cun il temp è il material da surfar però sa midà ed il Kitesurfing è vegnì tiers.

Windsurfers e Kitesurfers sin il lai da Silvaplauna.
Legenda: Il maraton da surf sin il Lai da Silvaplauna l'onn 2013. MAD

Quai ch'ha cumenzà il 1978 sco cursa da Windsurfing è dapi alura daventà ina regatta da Windsurfing, bartgas da vela e Kitesurfing. Las emprimas 10 cursas dal maraton da surf han gì lieu sin il lai da Segl. Perquai che l’interess per quellas regattas è vegni adina pli pitschen è il maraton da surf vegnì integrà en l’emna da «Engadinwind» sin il Lai da Silvaplauna.

40avla regatta cun blera prominenza

Sonda ils 19 ubain dumengia ils 20 d'avust – tut tenor la situaziun dal vent – ha lieu la cursa da giubileum dal 40avel maraton da surf. Da la partida èn la gronda part dals victurs dals ultims 40 onns, sco per exempel Charly Messmer, Biörn Dunkerbeck e Karin Jaggi. L'unic star che manca è Robby Naish dals Stadis Unids da l’America che ha avant 40 onns gudagnà l'emprim maraton da surf. El è pli tard stà in dals pli gronds stars da la scena da Windsurfing.

RR actualitad 07:00