40 fugitivs a Mals

Mals en il Tirol dal Sid prenda si 40 fugitivs. En Val Müstair datti per part malsegirtad perquai.

Laschar ir video «40 fugitivs a Mals»

40 fugitivs a Mals

2:44 min, Actualitad video dals 15.9.2015

Tut il Tirol dal Sid prenda si actualmain radund 200 fugitivs - quai en il rom dals contingents che l'Italia reparta. A Mals sisum il Vnuost arrivan proximamain 40 fugitivs. Quai en il Martinsheim ch'è en possess da la vischnanca. Ad ina sairada d'infurmaziun hai dà surtut resuns positivs da la populaziun. Martha Stocker da la regenza dal Tirol dal Sid è perquai stada fitg cuntenta cun il spiert avert da la populaziun da Mals.

Malsegirtad en Val Müstair

Ina tscherta malsegirtad pon ins constattar en Val Müstair. Quai sch'ins dumonda la glieud sin via tge ch'ella di davart il fatg che 40 fugitivs arrivan a Mals, be 15 minutas davent da la Val Müstair. Il responsabel per fatgs socials da la provinza autonoma Tirol dal Sid ha dentant ditg envers Radiotelevisiun Svizra Rumantscha che ils fugitivs che arrivan a Mals na pon betg ir sur cunfin. Uschiglio perdessan els il status d'asil ch'els han en Italia.