Siglir tar il cuntegn

Header

video
35 onns Open Air Chapella
Or da Actualitad dals 07.08.2016.
laschar ir. Durada: 4 minutas 9 Secundas.
cuntegn

Engiadina 35avel open air Chapella

Passa 420 persunas han visità il 35avel open air a Chapella. Suenter in venderdi bletsch ha splendurà sonda suentermezdi il sulegl a Chapella. Il pli vegl open air Grischun ha pudì beneventar giasts fidaivels a ses giubileum. Da venderdi fin dumengia han sunà 10 bands, 4 da quellas eran rumantschas.

audio
Bunura: 35avel open air Chapella
ord RTR Audio dals 07.08.2016.
laschar ir. Durada: 3 minutas 6 Secundas.

L’atmosfera al Chapella - famigliar, pacific. Sulegl, musica, insatge da magliar e da baiver e divertiment per ils pli pitschens.

Ina èra che va a fin

Cun Phil Benesch che sa retira suenter questa ediziun dal comité d'organisaziun va a fin ina èra en l'istorgia da l'open air. Phil Benesch era in da quels che ha fundà l'open air ed el era responsabel per la musica. Il num Benesch resta dentant en connex cun l'open air. Ils uffants da Phil fan era part da l'organisaziun.

400 fin 600 aspectaturs

Tranter 400 e 600 visitaders hajan ins giavischà, uschia Pascal Benesch ch'è responsabel per la reclama. Ina finamira ch'ins han sco ch'i para cuntanschì. Passa 420 persunas sajan stadas a Chapella. L'open air è ì a fin cun la band Chica Torpedo - quai saja Latin Salsa Pop cun ina purziun funk, jazz e soul.

Artitgels legids il pli savens