Siglir tar il cuntegn
Inhalt

Engiadina 35avel Chapella Open Air cun Me+Marie e cun ils Birthday Girls

Il pli vegl open air dal Grischun festivescha il 35avel anniversari ensemen cun la GiuRu che ha 25 onns.

band al open air Chapella
Legenda: In concert a Chapella l'onn 2014. Quest onn festivescha Chapella il 35avel anniversari. ANR/J. Duschletta

Il Chapella Open Air festivescha il 35avel anniversari quest onn. La Giuventetgna Rumantscha GiuRu fa festa per ses 25avel anniversari. Perquai sa mettan Chapella e la GiuRu ensemen e fan festa cun musica durant l'open air a Chapella. L'ediziun 2016 dal Chapella Open Air preschenta nums da bands svizras sco "The Birthday Girls" che èn gist stads il Best Talent dal radio SRF3. Chapella metta dentant era accents indigens cun bands per part rumantschas: "ME+MARIE" da Roland Vögtli e Maria Moling portan tuns melancolics, sulvadis e sensibels en Engiadin'Ota. Era "Giganto-Mattiu" arrivan a Chapella: Il rappunz Giganto ensemen cun il giuven chantadur sursilvan Mattiu Defuns. I dat dentant era rock sco pli baud: per exempel cun la band da rock rumantscha "Galiots".

Il 35avel Chapella Open Air è dals 5 enfin ils 8 d'avust.