Siglir tar il cuntegn
Inhalt

Engiadina 35 onns deditgads al salvament da lavinas

Walter Erni da Scuol ha si’entira vita gì ina passiun: ils chauns da lavinas. Durant 35 onns è el stà manader da chauns da lavinas.

Walter Erni cun ses chaun da lavinas.
Legenda: Walter Erni cun ses chaun da lavinas. RTR, R. Mayer

En la vegliadetgna da 61 onns ha Walter Erni decis da sa retrair da sia passiun. La raschun: avant 2 mais è mort ses chaun.

Erni è er stà activ en la scolaziun. Als curs da manader da chauns da lavinaS, che han lieu mintg’onn sin il pass dal Bernina, è el stà bunamain 20 onns magister da classa.

Durant blers onns è el er stà manader da salvament da la regiun da skis Motta Naluns. Entras quai ha Walter Erni er adina pudì colliar il mastergn cun l’incumbensa da salvament tar accidents da lavinas.