Siglir tar il cuntegn
cuntegn

Engiadina 3 giadas aur per il Grischun

Las mastranzas mundialas da skis dals chatschaders èn a fin. En tuttas trais categorias, umens singuls, dunnas singulas e gruppas, han Grischuns gudagnà.

Legenda: Guardar il video Sarsura I cunter Sarsura II – la decisiun. Durada 04:10 minutas.
Or da Actualitad video dals 12.04.2015.

Tar ils victurs s’audan: Andrea Gilli da Zuoz, Arlette Maissen da Cuira e la gruppa Capricorns da Tavau cun Marco Filli, Corsin Farrèr, Mirco Vogler e Jachen Fadri Filli. Bun 200 participants sa mesiran durant trais dis a las mastranzas a San Murezzan e Silvaplauna e quai en duas disciplinas.

Las masteranzas

Il guardar e trair sin ina schiba è ina part da la cumpetiziun, absolver cun ils skis in slalom gigant è la segunda. Entant ch’i basegna ina buna mira tar il trair cun il schluppet, è dumandà in bun sentiment da temp tar la disciplina sin ils skis.

Legenda: Guardar il video Masteranza mundiala da chatschaders a San Murezzan. Durada 02:37 minutas.
Or da Actualitad video dals 10.04.2015.

Ils chatschaders e las chatschadras han numnadamain da far la cursa duas giadas e quai sche pussaivel en il medem temp. Bunas schanzas da gudagnar il titel da campiun mundial han quels chatschaders che han ina buna mira ed ina differenza minimala da temp tranter ils dus girs dal slalom gigant.

L’eveniment che deriva oriundamain dal Montafon ha gì lieu per la segunda giada en l'Engiadina.