Siglir tar il cuntegn

Engiadina 26avel Forum da turissem regiun da las Alps

Ils turistichers da la regiun da las alps èn s'inscuntrads quest onn en Svizra a Puntraschigna. En il center dal forum da turissem è stada la tematica da l’avegnir da las stagiuns d’enviern en las regiuns alpinas.

Ils rapreschentands dal forum da turissem en la sala dal Rondo a Puntraschigna.
Legenda: Radund 170 persunas ha fatg part al forum da turissem da la alps. RTR/ R. Mayer

«Think global. Be alpine. Act different» Quai è il motto dal forum en Engiadina, suenter l’ultim inscunter dal 2015 a Mayrhofen en Austria. Stgars 170 persunas da la branscha da turissem en las regiuns da las alps, èn stadas preschentas a l’inscunter da trais dis en l'Engiadina. La gronda part dals participants èn Svizzers cun passa 100 persunas. Ma er l’Austria è represchentada bain cun radund 40 persunas.

Legende: Video Investiziun èn difficilas abspielen. Laufzeit 2:42 Minuten.
Or da Actualitad video dals 07.04.2016.

Il dumber da giasts d'enviern stagneschan en las Alps e las investiziun creschan. Quai per exister vinavant sin il martgà internaziunal dal turissem d’enviern. La concurrenza fa dentant il medem e las finanzas èn stgarsas. Tgi duess finanziar tut quell’infrastructura u dovra ina sanaziun structurala sa dumondan ils participants dal Forum da turissem da las Alps.

Quai che è clar è che il turissem d’enviern è “too big to fail”.

Participants da 6 pajais han prendì part

Legenda:
Participants TFA 2016 «TourismusForum Alpenregionen» TFA

Gronda differenza tranter Svizra ed Austria

Er sche la tematica uffiziala dal forum è stada il turissem d’enviern en general, ha la stagiun d’enviern passada occupà il pli ferm ils turistichers. Oravant tut er la differenza tranter ils resultats da la Svizra cun ina nauscha stagiun e l’Austria cun ina fitg buna stagiun.

Soluziuns fin uss sulet teoria

Resultats concrets n’haja quai betg dà suenter dus dis intensivs cun referats e discussiuns da podi a Puntraschigna. Dentant turnan ils turistichers a chasa cun numerus novs inputs, ch’els emprovan da realisar en lur destinaziuns.