Engiadina - 234 stanzas singulas per ils atlets cun 4 chommas
Grazia a la nova plazza da sablun ha il Concours Hippique da Zuoz attratg 2 giadas tantas chavaltgadras e chavaltgaders sco l’onn passà. Ina sfida era per ils organisaturs, che porschan in alloschi luxurius per ils chavals da sport.
Quest onn porschan ils organisaturs dal Concours Hippique a Zuoz per l’emprima giada ina plazza da sablun per lur concurrenza. Quella ha procurà per in record da participantas e participants.
234 stanzas singulas - ina sfida per l'hotelier
Uschia vegni a dar questa fin d’emna passa 1’000 partenzas en diversas concurrenzas da sigl. Las dimensiuns novas èn era ina sfida per Andri Marugg, il schef da stalla durant il Concours.
Cun ses gidanters ha el construì quatter tendas da stalla cun in total da 234 cumpartiments singuls, uschenumnadas boxas per chavals.
In hotel da luxus per atlets da luxus. Ils chavals da sigl custan en media 50 enfin 60’000 francs, uschia Andri Marugg en discurs cun la reportra Anna Caprez. Perquai datti era in servetsch da segirtad, che protegia chavals ed equipament durant las notgs da l'eveniment da tradiziun che ha lieu quest onn per la 47avla giada.
Legenda:
Curdin Joos, il ferrer da S-chanf.
RTR, Anna Caprez
Servetsch da pedicure durant trais dis
Era en acziun durant ils trais da Concours Hippique a Zuoz e il ferrer Curdin Joos. El è preschent sin plazza cun sia fuschina mobila per procurar entaifer pauc temp novs fiers-chaval, novas stgarpas per ils animals prezius.
Roman Thöny l'ultima giada al timun
Legenda:
Roman Thöny, il president dal comitè d'organisaziun dal Concours Hippique Zuoz.
RTR, Anna Caprez
Cun la 47avla ediziun dal Concours Hippique va er a fin il temp d'uffizi dal president dal comitè d'organisaziun, Roman Thöny. Suenter 12 onns en carica ha el demissiunà il presidi per la fin da quest onn.
audio
Mezdi: Tar il ferrer dal Concours Hippique
03:55 min, ord Actualitad dals 12.08.2016.
laschar ir. Durada: 3 minutas 55 Secundas.
audio
Bunura: Zuoz l'hotel da luxus per ils atlets cun 4 chommas
06:50 min, ord Actualitad dals 12.08.2016.
laschar ir. Durada: 6 minutas 50 Secundas.
1 / 14
Legenda:
L'hotelier e ses giast -
schef da stalla Andri Marugg cun in dals chavagls da sagl en la tenda da stalla.
RTR, Anna Caprez
2 / 14
Legenda:
Roman Thöny, il president dal comitè d'organisaziun dal Concours Hippique Zuoz.
RTR, Anna Caprez
3 / 14
Legenda:
Travasch dapi la bun'ura adura -
las tendas da stalla a Zuoz.
RTR, Anna Caprez
4 / 14
Legenda:
La stanza singula per ils atlets cun quatter chommas -
ils organisaturs han drizzà en 234 da questas boxas.
RTR, Anna Caprez
5 / 14
Legenda:
In atlet da luxus dovra er in equippament en urden.
RTR, Anna Caprez
6 / 14
Legenda:
Transport da luxus per atlets da luxus -
in dals transporters da chavals da sport che porscha gist anc alloschi per las gidontras.
RTR, Anna Caprez
7 / 14
Legenda:
Il pierten tranter las boxas -
a Zuoz dattigl 4 differentas tendas da stalla per questa fin d'emna.
RTR, Anna Caprez
8 / 14
Legenda:
Instrumentari indispensabel -
las plazzas da sablun dovran tgira.
RTR, Anna Caprez
9 / 14
Legenda:
Il ferrer da S-chanf, Curdin Joos, durant ina controlla.
RTR, Anna Caprez
10 / 14
Legenda:
Tranter ils singuls sagls, ha la nova plazza da sablun da vegnir bognada ed egualisada.
RTR, Anna Caprez
11 / 14
Legenda:
Sut las egliadas criticas da las trenadras -
ultims exercezis sin la plazza da prova avant la partenza.
RTR, Anna Caprez
12 / 14
Legenda:
Il studio da pedicure mobil per ils chavals. Il ferrer Curdin Joos è durant ils trais dis sin piquet sin plazza.
RTR, Anna Caprez
13 / 14
Legenda:
Ils utensils per la pedicure dals chavals.
RTR, Anna Caprez
14 / 14
Legenda:
Tranter in telefon e l'auter ha Andri Marugg er adina puspè temp da salidar e discurrer cun amis ed enconuschents.
RTR, Anna Caprez
