Siglir tar il cuntegn

Header

cuntegn

Engiadina 2 hotels grischuns en mauns saudi-arabs

Ils dus hotels grischuns «Schweizerhof» a Segl Maria ed «Altein» ad Arosa èn ussa definitivamain en mauns saudi-arabs. Quai han decis ils acziunaris da la «Poscom Ferien Holding» e la possessura da fin qua, uschia rapporta la «Südostschweiz».

Pervia da problems finanzials venda la societad tut ses sis hotels e resorts da vacanzas. Tranter quels èr ils dus hotels grischuns. Il nov possessur è Sami el Angari, in investider saudi-arab. El Agnari è schef dal concern industrial «Al Gihaz Holding». El ha sincerà da manar vinavant ils dus hotels grischuns. Il «Schweizerhof» a Segl Maria tutga tar in dals hotels da trais stailas ils pli frequentads en Svizra.

Qualitativ e quantitativ

I haja anc gì auters interessents, l'offerta da Sami el Angari haja dentant persvadì. Quai schebain a moda qualitativa sco era quantitativa, ha ditg Anne Cheseaux, presidenta dal cussegl d'administraziun da la «Poscom Ferien Holding» a la «Südostschweiz».

El Angari surpiglia er il management da l'hotel ed haja garantì da surpigliar las radund 500 plazzas. Plinavant vul el investir bler en ils hotels. Tar il pretsch na vul Cheseaux betg dir pli bler, er an la communicaziun na vegn quel betg numnà. El saja gist e confurm al martgà.

RR novitads 06:00

Artitgels legids il pli savens