Siglir tar il cuntegn

Header

cuntegn

174'000 francs Val Müstair quinta proxim onn cun deficit

La vischnanca da Val Müstair quinta l’auter onn cun in deficit da 174'000 francs. Quai tar expensas da radund 13,8 milliuns francs. La radunanza communala ha approvà ier saira unanimamain il preventiv per il 2020. Plinavant ha la radunanza er approvà tant il preventiv per il Parc da natira Biosfera Val Müstair sco er il Center da sandà Val Müstair.

Approvà preventiv da parc da natira

Uschia mussa il preventiv dal parc da natira entradas ed expensas gulivadas da radund 1,9 milliuns francs. Radund 350'000 da quels tutgan anc tar il pachet finanzial da mesiras per ils onns 2016-2019. Quels vegnan er insvestids per finir lavurs en rom da questa perioda. Ils radund 1,5 milliuns che restan vegnan investids per la nova fasa da projects e mesiras dal 2020-2024.

Center da sanadad cun deficit

Purtret dal center da sandadad.
Legenda: Il Center da sandà Val Müstair quinta l'onn proxim cun in deficit. ANR, Flurin Andry

Il preventiv dal Center da sandà Val Müstair mussa in deficit da radund in mez milliun francs. Quai tar investiziuns da radund 8,3 milliuns ed expensas da 9,2 milliuns francs.

RTR novitads 09:00