En il center duai esser la cumpagnia ed il giudiment da la natira e las muntognas durant tut las occurrenzas da questa stad. Quai ha declerà Heinz Gross, il president da la secziun Engiadina Bassa / Val Müstair dal Club Alpin Svizzer.
Cuntanscher la marca da 1’000
Actualmain quinta la societad bun 970 commembers. Gugent augmentass ins quella cifra sin 1000, uschè Heinz Gross. Dals commembers actualas saja la gronda part persunas da 40+. Giuvenils dettia pli paucs, cun quai che quels bandunan suenter il temp da scola la val e turnan pir puspè cura ch’els han sez uffants.
Turas e festas
Durant l’onn da giubileum da la secziun Engiadina Bassa / Val Müstair dal Club Alpin Svizzer datti pliras turas cuminaivlas ed er festas en las trais chamonas da la societad: Tuoi, Linard e Lischana.
Punct culminant dals 125 onns existenza dal club vegn ad esser la festa da giubileum, ils 28 d’october 2017.
RR actualitad 07:00