Siglir tar il cuntegn

Header

video
In sguard en il Museum Engiadinais
Or da RTR dals 23.11.2016.
laschar ir. Durada: 3 minutas 4 Secundas.
cuntegn

Engiadina «100 onns pulvra e merda èn svanids»

In onn e mez suenter l'emprima badigliada dal project da renovar e restaurar il Museum Engiadinais a San Murezzan, po quest puspè avrir sias portas. Per il circul d'Engiadin'Ota va a fin in grond ed intensiv project. Surtut quai che pertutga la controlla da custs.

Museum Engiadinais
Legenda: Da sanestra: Gian Duri Ratti (president da la fundaziun) Monzi Schmidt (presidenta cumissiun da fabrica) e la manadra dal museum Charlotte Schütt. RTR, Violanta Rominger

6 milliuns francs aveva il suveran d'Engiadin'Ota fatg bun l'onn 2011 per la renovaziun e restauraziun dal Museum Engiadinais a San Murezzan. Il preventiv n'è betg vegnì surpassà. Quai di Monzi Schmid, la presidenta da la cumissiun da fabrica per il circul d'Engiadin'Ota. Las finanzas eran ina sfida, ins haja fatg tut quai ch'era necessari, dentant laschà davent bler che fiss stà giavischà.

100 onns pulvra e merda èn svanids
Autur: Charlotte Schütt Manadra Museum Engiadinais

Futur finanzial intschert

Dapi il 1920 è il circul d'Engiadin'Ota purtader da la fundaziun Museum Engiadinais. El gestiunescha il museum cun in preventiv da 250'000 francs l'onn. A partir dals 1. schaner 2018 datti betg pli il circul. Las vischnancas d'Engiadin'Ota stuessan surpigliar la gestiun dal museum. Quai sto dentant anc vegnir tractà. Il president da la fundaziun, Gian Duri Ratti è dentant da buna speranza che quai funcziuna. La finamira a lunga vista saja dentant, ch'il museum sa porta savess. Perquai duvrassi 10'000 fin 15'000 entradas l'onn.

Artitgels legids il pli savens