Siglir tar il cuntegn

Header

Navigaziun

Legenda: Tadlar il audio Mezdi: Il teater «Tredeschin Retsch» per las festivitads da la Lia Rumantsch. Durada 02:26 minutas.
Or da Actualitad dals 11.07.2019.
cuntegn

100 onns Lia Rumantscha «Tredeschin Retg» in dals puncts culminants dal festival

Tredeschin è l'istorgia d'in 13avel figl che va a la tschertga da la fortuna en il lontan. Per la festa da giubileum da la Lia Rumantscha è la paraula tradiziunala vegnida scritta enturn en in teater.

Durant otg sairas dal festival vegn preschentà «Tredeschin Retg», in teater scrit aposta per il giubileum da Tim Krohn, Göri Klainguti, Fabiola Carigiet e Rut Plouda.

Ins dastga spetgar in toc cun bleras colurs; cun musica, saut e teater.
Autur: Gianna Olinda Cadonaucuratura dal program

Il toc da teater vul scuvrir l'istorgia davos l'istorgia. Quai cun dumondas sco: Tgi è Tredeschin propi stà? Ston ins esser in retg per chattar la fortuna? E tge di la princessa da tut quai?

Las provas per il teater «Tredeschin Retg»
Legenda: Las provas per il teater «Tredeschin Retg» Da sanester: Anny Weiler, Annina Sedlacek, David Flepp, Lorenzo Polin; davosvart: Ivo Bärtsch. MAD, Lia Rumantscha

Ma il cuntegn ed era la culissa vuless trair parallelas cun l'identitad d'esser rumantsch u rumantscha. Uschia è il maletg da tribuna bajegiads si sco ina bartga. Pia vegnan ils acturs ed ils aspectaturs a seser ensemen en ina bartga durant il viadi da Tredeschin Retg.

Il toc è variant. Per part cun dialogs svelts e divertents ma era cun discurs reflexivs, en ils quals l'identitad rumantscha vegn tematisada.
Autur: Gianna Olinda Cadonaucuratura dal program

Ord l'archiv

Legenda: Guardar il video Svizra Rumantscha – «Tredeschin». Durada 30:29 minutas.
Or da L'archivar recumonda dals 27.01.1985.

RR actualitad 12:00