Surprais saja stà il comité d’organisaziun da la Lia Rumantscha surtut dal svilup da la vendita da bigliets dal teater «Tredeschin Retg» las ultimas emnas. Curt suenter las emprimas duas represchentaziuns eran tut las autras vendidas ora:
Er ils bigliets per ils dus termins supplementars èn stads davent entaifer pauc temp.
Tuts n’èn betg vegnids
Andreas Gabriel, il pledader da l’organisaziun da tetg rumantscha, è surprais quants Rumantschs ch’èn fin uss vegnids a Zuoz per ina u l’autra occurrenza en il rom dal program da giubileum. Era sch’el ha d’admetter che tut ils Rumantschs na vegnan mai ad esser preschents durant la festa da la Lia Rumantscha.
Critica ed impuls
Ils inscunters cun glieud oriunda da tut ils lieus pussibels sajan er adina allegraivels ed ils discurs savens er constructivs.
Ils responsabels da la Lia Rumantscha prendian dentant er serius la critica e rinfatschas che vegnan fatgas en connex cun il cuntegn dal program:
Nus n’avain betg ignorà il tema Rumantsch Grischun ed era betg exclus il sguard en l’avegnir.
L’idea da festegiar il giubileum da 100 onns Lia Rumantscha en in unic lieu empè dad en differents lieus en las regiuns idiomaticas, saja sa verifitgada tenor il mainaproject. Ch’ins fetschia quint che anc blers Rumantschs vegnian ils ultims dis a Zuoz.
L’etappa finala tracta anc ils tema «furmaziun» e «litteratura» e finescha cun la gronda festa la sonda ed ils pleds finals la dumengia.
RR actualitad 12:00