Siglir tar il cuntegn
Inhalt

Engiadina 100 dis Scuol – la pli gronda vischnanca da la Svizra

Avant precis 100 dis è naschida en l'Engiadina Bassa la pli gronda vischnanca rumantscha - e la vischnanca cun la pli gronda surfatscha da la Svizra. Glarus Sid ha pia gì da dar giu il titel da la pli gronda vischnanca da la Svizra - e Lumnezia ha pers il titel sco pli gronda vischnanca rumantscha.

Alice Bertogg e Reto Mayer scuvran ils misteris gronds e pitschens da la vischnanca da Scuol e sias fracziuns. Els visitan la pli pitschna fracziun, Guarda, che ha gì da sa decider, schebain ella vuless ir ensi ubain a val. E lura dumandain nus ils giasts da Scuol sch’els èn conscients ch’els passentan lur vacanzas sin territori da la pli gronda vischnanca Svizra.

La survista davent dal chastè da Tarasp sin bunamain l’entira vischnanca porscha la culissa da raquintar da tempi passati, da far bilantscha cun il capo da Scuol Christian Fanzun suenter ses emprims 100 dis en uffizi.

Tut quai en il decurs da l'avantmezdi tar il Radio Rumantsch e qua tar www.rtr.ch.