Siglir tar il cuntegn
Inhalt

Engiadina 1. campiunadi grischun da far mustgas da pestgar

Campiunadis datti numerus – ma betg in da far mustgas da pestgar. Ils 9 da zercladur organisescha il club da pestgaders da l’Engiadin’Ota l’emprim dal Grischun.

Pestgar è ina passiun – giudair la quietezza, la ramur da l’aua or en la natira e sa chapescha la sfida da tschiffar in pesch. Ils blers pestgaders stattan quiets e spetgan, fin ch'il pesch morda en la preda, e lura datti era quels che sventuleschan cun la lantscha enturn il chau – ils pestgaders che pestgan cun la mustga.

Ils 9 da zercladur organisescha la societad da pestgaders da l’Engiadin’Ota il emprim campiunadi da far mustgas a La Punt – Chamues-ch.

Liar mustgas sin temp

La finamira dal campiunadi è da far 4 mustgas entaifer 2 uras. Il pestgader che ha fatg cun premura las pli bellas, perfetgas e realisticas quel gudogna l’emprim campiunadi Grischun.

Reunir ils pestgaders da mustga, barattar ideas ed experientschas e giudair in per bellas uras da cumpagnia – quai è la finamira da l’emprim campiunadi da far mustgas da pestgar in Engiadina.

RR actualitad 11.00