Siglir tar il cuntegn

Engiadina 1'000 arbers damain tras l’Engiadina

Oz van duas lingias tras l’Engiadina, ina sin arbers auts da fier cun lingias d’auta tensiun e ina sin arbers en lain che maina la forza da vischnanca a vischnanca – en avegnir datti be pli ina.

Legende: Video Engiadina: Lingias d'electricitad vegnan sut terra abspielen. Laufzeit 2:53 Minuten.
Or da Telesguard dals 06.04.2017.

La Swissgrid, la societad ch'è responsabla per la transmissiun d’electricitad en Svizra, prevesa da realisar ina segunda lingia da 380 kilovolts sin ils arbers da fier. Cun questa mesira vul ella auzar la capacitad da la rait naziunala.

Nova lingia sutterrana lung l’Engiadina

Per pudair redublar la capacitad ston la Swissgrid prestar lavurs da recumpensaziun. Quai fa ella cun finanziar ina nova lingia sutterrana lung l’Engiadina. Ils custs muntan a circa 100 milliuns francs.

La recumpensaziun è il remplazzament da la lingia libra existenta, ils arbers da lain che mainan la forza electricra da vischnanca a vischnanca. Nov vegn quella lingia sutterrada cun in stgav da 50 kilometers da Pradella fin Bever. Quella lingia è en proprietad da las Ouvras Electricas Engiadina. Ils radund 1'000 arbers da lain vegnan allontanads.

La stad 2017 cumenzan las lavurs. La nova lingia sutterrana duai esser en funcziun durant l’onn 2019.

RR actualitad 17:00