Siglir tar il cuntegn

Header

video
Quirina Lechmann e Nora Bertogg al casting da l'Opera viva
Or da Telesguard dals 20.10.2017.
laschar ir. Durada: 3 minutas 30 Secundas.
cuntegn

Grischun Duas Grischunas tar l’audiziun per l’Opera Viva

Per l’opera, che ha lieu la stad proxima, vegn già preparà ussa. Il venderdi èn stadas a Turitg las audiziuns per las rollas principalas dal toc «Carmen».

Per l’audiziun per ina rolla da solist tar l’opera «Carmen» da la Opera Viva èn s’annunziadas 97 persunas. Mo 27 èn vegnids tschernidas per l’audiziun en l’opera a Turitg. Tranter ils participants da differents pajais sco la Russia, il Cosovo, l’Austria, la Frantscha, l’Italia – ni schizunt er l’America ni la Corea, sa chattan era duas Grischunas. Numnadamain Quirina Lechmann e Nora Bertogg. Ellas èn omadus s’annunzià per la rolla da la «Micaëla».

En var duas emnas vegnan il directur artistic ed il reschissur Andrea Zogg ad esser sa decidì per ils sis solists ch'i dovra. Il fanadur 2018 cumenzan per quels allura las provas, che cuzzan circa trais emnas. Il chor «coro opera viva» cumenza cun las provas gia il schaner. L'opera «Carmen» vegn presentada il fenadur ed avust 2018 a Sursaissa.

RR TSG 17:40

Artitgels legids il pli savens