La Dretgira da l'Uniun europeica ha refusà a l'intepresa ils dretgs exclusivs per il pled «repower». La decisiun è crudada la mesemna a Luxemburg. Quella ha confermà ina decisiun da l'autoritad europeica per la protecziun da las marcas, sco repowermag.org ha communitgà la gievgia. Tenor la decisiun tutgia «repower» en l'Uniun europeica tar ils bains communabels e dastgia ord quest motiv vegnir duvrà libramain.
La marca «Repower» è en consequenza a la decisiun europeica betg pli protegida. Quai vala dentant sulettamain per tschertas branschas – sco per exempel la branscha d'energia. Betg pertutgà da questa decisiun è il logo da l'interpresa d'energia. Er la protecziun en Svizra è vinavant valaiva.