Grischun - Deliberà statuts per nova regiun Partenz/Tavau
Ils presidents communals da la regiun Partenz/Tavau han surlavurà e deliberà ils statuts per la nova regiun. Il matg ed il zercladur han ussa las vischnancas cumpigliadas da decider.
En las vischnancas da Claustra-Serneus e da Tavau ha il suveran da decider a l'urna, en las ulteriuras 11 vischnancas decida la radunanza communala.
Ils statuts furman la basa per la collavuraziun da las vischnancas en la nova regiun Partenz/Tavau. Davent il 2016 surpiglia la regiun las incumbensas dals circuls e da la corporaziun regiunala Pro Prättigau.
