Er gia l'onn passà ha quai dà naiv il november e tut sperava che quella stettia. Igl è lura dentant vegnì auter, il december aveva purtà temperaturas autas e quasi tut la naiv natirala è luada. Uss èn las ensainas per il mument dentant meglras che la naiv stettia pli ditg. I vegn bain pli chaud, dentant suenter la fasa da favugn spetga gia la proxima naiv.
Pendicularas cun nov schlantsch
Ils represchentants da las pendicularas, Silvio Schmid da las pendicularas Andermatt Sedrun, Egon Scheiwiller da las pendicularas Motta Naluns e Christian Prinz da las pendicularas Savognin, han buna speranza per la proxima stagiun d'enviern. Che quai ha dà baud naiv n'haja betg be in effect positiv per las pistas, mabain er per l'atmosfera sco er per la vendita dals abunaments.
RR actualitad 17:00