Cussegl grond sustegna l’abitar assistì

Persunas che na pon betg pli abitar a chasa, ma che na dovran tuttina betg la tgira d’ina chasa d’attempads, duain pudair abitar en instituziuns che porschan l’abitar accumpagnà. Persunas che na pon betg pajar las novas purschidas survegnan sustegn finanzial dal chantun, ha il Cussegl grond decidì.

Laschar ir video «Abitar assistì – La revisiun parziala da la lescha da tgira na persvada betg tuts»

Abitar assistì – La revisiun parziala da la lescha da tgira na...

4:09 min, Telesguard dals 8.12.2015

En il messadi oriund da la revisiun parziala da la lescha da tgira era previs che instituziuns che porschan l’abitar assistì stoppian avair almain 6 unitads d’abitar. Il Cussegl grond ha dentant uss decidì che quest dumber possia vegnir sutpassà.

Questa nova regulaziun pussibiliteschia oravant tut era a regiuns periferas da porscher l’abitar accumpagnà, uschia tranter auter la deputada socialdemocrata da Roveredo Nicoletta Noi-Togni.

RR novitads 18:00