Cuira è plain plazzals – ma pertge?

Sin las vias da la chapitala grischuna vegni bajegià mordio. La raschun: cunzunt la chanalisaziun sto vegnir sanada. Charreschan ins tras Cuira cun auto, èsi da passar massa plazzals. Vid las vias impurtantas sco la via da Masans u quella da la Ringstrasse vegni bajegià dapi mais.

 In plazzal sin ina via.

Legenda da maletgs: A Cuira vegn bajegià dapi mais. MAD

Dapi il prim da schaner 2017 ston ils abitants da Cuira pajar ina taxa d'aua persa. Quai per che la citad possia investir dapli en la sanaziun da las lingias d'aua. En il medem mument possia la citad era gist midar ora la lingias d’electricitad, da gas, sco era las lingias da telefon, declera il manader da construcziun bassa da la citad da Cuira, Urs Castellazzi.

En il decurs dal 2017 vegni anc bajegià vid ulteriurs plazzals. Tut en tut 20. Trais plazzals èn gia terminads. Otg plazzals èn actualmain en lavur e nov ulteriurs vegnan finids sin la fin da l'onn.

La grafica mussa ils differents plazzals:

Grafia cun ils plazzals.

Legenda da maletgs: RTR