Siglir tar il cuntegn

Header

cuntegn

Crisa d'energia Martin Bühler crititgescha la communicaziun da la Confederaziun

Il manader dal stab da crisa d'energia dal chantun Grischun Martin Bühler n'è betg cuntent cun la communicaziun da la Confederaziun durant la crisa d'energia. En in'intervista cun las gasettas da la Somedia pretenda el ina communicaziun omogena e bain coordinada.

I na possia betg esser ch'ils departaments u perfin differents uffizis federals formuleschian bunamain il medem mument aspectativas diversas, manegia Martin Bühler che daventa a partir dal 2023 cusseglier guvernativ. En pli survegnia il stab da crisa grischun actualmain infurmaziuns liantas il medem mument sco la populaziun. Quai haja per consequenza che las instituziuns na communitgeschian betg a moda unida e quai possia chaschunar cunfusiun e malsegirezza tar la populaziun.

Tar la maisa radunda cun cusseglier federal Guy Parmelin e represchentants da l'economia l'entschatta da l'emna avevan er auters chantuns crititgà la communicaziun da la Confederaziun: L'intermediaziun d'infurmaziuns saja manglusa ed incumpletta.

audio
RTR novitads da las 8:00
ord RTR Audio dals 07.09.2022.
laschar ir. Durada: 6 minutas 3 Secundas.

RTR novitads 08:00

Artitgels legids il pli savens