Siglir tar il cuntegn
cuntegn

Grischun Credit d'impegn per la candidatura dals gieus olimpics d'enviern

La cumissiun per economia dal Cussegl grond vul conceder in credit d'impegn per la candidatura dal chantun Grischun per ils gieus olimpics d'enviern dal 2026. Quai scriva ella en ina communicaziun a las medias.

Ils tschintg rintgs olimpics or da metal. Tras ils rintgs vesa ins il tschiel.
Legenda: La cumissiun per economia e taxas dal Cussegl grond sustegna la candidatura dal chantun Grischun per ils gieus d'enviern dal 2026. Keystone

Il credit d’impegn munta a brut 25 milliuns francs ed è previs per la fasa da candidatura il 2019. Dals 25 milliuns è 1 milliun previs per scleriments da vart da la regenza. Ils ulteriurs 24 milliuns duain surpigliar per mintgamai in terz la Confederaziun, Swiss Olympic e las regiuns ch'organiseschan ils gieus olimpics.

Sco che la cumissiun dal Cussegl grond scriva avess il chantun Grischun da pajar per la fasa da candidatura maximal 9 milliuns francs. Tenor la cumissiun fissan ils gieus olimpics d’enviern in motor per in svilup economic e social durabel dal chantun.

Il Cussegl grond vegn a tractar la fatschenta en sia sessiun da december.

RR novitads 10:00