La regenza ha incumbensà il Departament d'educaziun, cultura e protecziun da l'ambient d'elavurar in concept per promover la cultura grischuna.
La gruppa da project che duai elavurar il concept vegn timunada da cusseglier guvernativ Martin Jäger. Part da la gruppa fa er la manadra da l'Uffizi da cultura Barbara Gabrielli. Plinavant sa cumpona la gruppa d'ina accumpagnadra dal project externa sco er da mintgamai dus represchentants da la cumissiun da cultura, e d'organisaziuns chantunalas da cultura. Ina segunda gruppa cun represchentants da tut las instituziuns ed organisaziuns culturalas relevantas duai accumpagnar la gruppa da project.
Fin la fin da l'onn 2019 duai il concept vegnir deliberà da la regenza per mauns dal Cussegl grond.
Nov project, vegl giavisch
Dapi onns era vegni crititgà ch'in concept per promover la cultura manchia en il Grischun. La lescha davart la promoziun da cultura dals 15 da favrer 2017 prescriva uss d'elavurar in tal concept mintga quatter onns.
RR novitads 18:00
