Siglir tar il cuntegn

Grischun Co che la pulvra sa fa ord la pulvra

Pulvra, pulvra, pulvra! Dapertut nua ch’ins guarda. Sin ils regals, sin las stgaffas, sut il letg, sin la decoraziun e.u.v. simplamain dapertut. Evitar la pulvra dal tut na pon ins betg. Però ins po procurar cun in per trics ch'i na dat betg tanta pulvra.

Legende: Audio Mezdi: Nettegiada da primavaira - co far pulvra a la pulvra abspielen. Laufzeit 5:10 Minuten.
5:10 min, Actualitad dals 05.04.2016.

Suandants tips gidan encunter la pulvra

1. Umiditad en l’aria

La pulvra n'ha betg gugent aria umida. Pli umid che l’aria è e pli pauca pulvra ch'i dat. Quai pon ins per exempel far cun in umifitgader da l’aria. D’enviern datti era il tric da metter cuppinas cun aua sin la pigna. Uschè svapura l’aua e l’aria vegn umida. Plantas cun bleras feglias han era l’effect da dar giu umiditad a l’aria.

Dentant na duess l’umiditad da l’aria betg esser dapli che 70%, uschiglio survegn ins in problem cun miffa.

2. Plantas che attiran la pulvra

Plantas n'han betg mo la funcziun da dar vinavant umiditad a l’aria. Ellas attiran anc la pulvra ord l’aria. Plitost las plantas cun il pails vi da las feglias han quella funcziun.

Era l’aria vegn nettegiada da las plantas.

3. Nettegiar cun effect static

Dal tut evitar da pulir la pulvra na pon ins betg. Ma sch’ins nettegia endretg na ston ins betg pulir regular. La pulvra sa nettegia il meglier cun aua tievia cun en 2-3 guts da savun. Quai dat in effect static e la pulvra na tatga betg uschè ferm.