Siglir tar il cuntegn

Grischun Churwalden: Nov implant per far naiv

En il territori da skis da Pradaschier tar Churwalden po vegnir realisà in nov implant per far naiv. Quai sin ina surfatscha da 12,5 ha.

Chanun da naiv.
Legenda: In chanun da naiv, qua ad Arosa (maletg d'archiv). Keystone

La regenza grischuna ha approvà il plan general d'avertura da la vischnanca da Churwalden. Cun quest nov implant duai vegnir fatg naiv artificiala davent da la staziun da mez fin en il vitg da Churwalden.

Igl è sa mussà ils envierns passads che la segirezza da naiv durant il principi e la fin da l'enviern n'ha betg pudì vegnir garantida. Per augmentar questa segirezza da naiv duai ussa vegnir ennavada tecnicamain la part sut dal territori da skis, da la staziun da mez fin en il vitg da Churwalden, sin ina surfatscha da 12,5 ha. Tenor il rapport davart la cumpatibilitad ecologica (RCE) correspunda quest project a las disposiziuns vertentas da la protecziun da l'ambient.

RR novitads 10:00