Siglir tar il cuntegn

Header

video
Avertura dal nov center d'asil Meiersboden
Or da Telesguard dals 22.08.2022.
laschar ir. Durada: 3 minutas 2 Secundas.
cuntegn

Churwalden Meiersboden Center d'asil abità a partir da mez settember

Las lavurs da construcziun dal center chantunal per l'emprima registraziun da requirents d'asil han durà in onn e mez. Il stabiliment nov sin il Meiersboden datiers da Cuira sin il territori da Churwalden ha plaz per 180 persunas è vegnì surdà glindesdi a l'Uffizi per migraziun.

Per requirents d'asil stattan a disposiziun chombras da dus, da quatter e da sis letgs sco er locals communabels da segiurn, d'alimentaziun, da sanitad e da lavar. Plinavant porscha il center per l’emprima registraziun localitads da scolaziun per il program da scola da linguas, ina cuschina da scolaziun sco er in local da project.

Fin mez settember giran anc las ultimas lavurs preparatoricas da l’Uffizi da migraziun e da dretg civil. Suenter vegnan ils emprims requirents d’asil a retrair il nov alloschi.

Construcziun cunvegnenta

Il nov center d'emprima registraziun è vegnì realisà en il standard Minergie-Eco che garantescha in consum d’energia bass ed ina gronda cumpatibilitad ecologica. Stgaudà vegn l’edifizi cun il stgaudament existent da pellets da laina en l’edifizi vischin dal stabiliment da protecziun civila. La structura dal bajetg e la construcziun cun lain pussibiliteschan flexibladad areguard d'ina reutilisaziun. Ils custs totals per il nov edifizi muntan a 8,6 milliuns francs.

audio
Invista en il nov center
ord Actualitad dals 22.08.2022.
laschar ir. Durada: 3 minutas 44 Secundas.

Strategia chantunala da collocaziun

Il chantun sto restar flexibel en connex cun sias structuras d'asil e pudair s'adattar a differents scenaris da svilup, sco occupaziun leva fin l'utilisaziun cumplaina. Agens indrizs da collocaziun dal chantun procuran per dapli segirezza da planisaziun e per ina dependenza pli pitschna dal martgà da locaziun. Cun indrizs da locaziun vegnan equilibradas fluctuaziuns.

RTR novitads 10:00

Artitgels legids il pli savens